वीरगंज । पर्सा र बारामा संचालित किशोरी संवाद कार्यक्रम यही अप्रील ३० तारीखबाट सम्पन्न हने निश्चित भएको छ । पर्साको वीरगंज महानगरपालीका वडा नं. २९ र बाराको परवानीपुर गाउँपालिकाको ५ वटै वडामा संचालित कार्यक्रम सम्पन्न हने निश्चित भएको हो ।
युरोपियन युनियनको आर्थिक सहयो र नेपाल ग्रामीण पुनर्निर्माण संस्थाद्वारा संचालित किशोरी संवाद कार्यक्रमको परियोजना सम्पन्न हुन लागेको किशोरी संवाद कार्यक्रमका कार्यालय प्रमुख भिम कुमार राईले वताए ।
चाइल्ड नेपाल र संरक्षण नेपालको सहकार्यमा ३ बर्षदेखी संचालित कार्यक्रम सम्पन्न हुन लागेको उनले जानकारी दिए ।
सोही कार्यक्रमको उपलब्धि समिक्षा र दिगो व्यवस्थापन तथा हस्तान्तरण कार्यक्रम बाराको परवानीपुर गाउँपालिका वडा नं. ३ लिपनीमालमा मंगलबार सम्पन्न भएको छ । उज्जवल किशोरी संवाद केन्द्र लिपनीमालमा भएको कार्यक्रममा परवानी गाउँपालिकाको सबै वडामा संचालित किशोरी तथा किशोरी संवाद केन्द्रहरु सम्बन्धित वडा कार्यालयहरुलाई हस्तान्तरण गरिएको थियो ।
किशोरी संवाद कार्यक्रमका कार्यलय प्रमुख भिम कुमारको अध्यक्षता र परवानीपुर गाउँपालिकाको वडा नं. २ का वडाध्यक्ष इशवरी प्रसाद शाहको प्रमुख आतिथ्यतामा भएको कार्यक्रममा परवानीपुर गाउँपालिका वडा नं. १ का वडाध्यक्ष मिश्री महतो, वडा नं. ३ का वडाध्यक्ष अनिल राम, वडा नं. ४ का वडाध्यक्ष गजेन्द्र पटेल, वडा नं. ५ का वडाध्यक्ष रामइस्वर साह लगायतको उपस्थिती रहेको थियो ।
कार्यक्रममा बोल्दै वडाध्यक्षहरुले कार्यक्रमले परिवर्तन गर्न सफल भएको प्रमुख उपलब्धीहरुको बारेमा प्रसंसा गरेका थिए ।
मन्तब्यको क्रममा परवानीपुर गाउँपालिका वडा नं. ५ का वडाध्यक्ष रामेश्वर शाहले कार्यक्रमले मेरो वडामा बाल बिवाहको सवालमा ठुलो आंधी बेहरीनै ल्याएको वताए । जसले गर्दा अहिले कुनै पनि अभिभावकहरुले आफनो छोरा छोरीको बाल बिवाह गर्ने हिमत पनि गदैनन र मैले पनि बाल बिवाह जस्तो प्रथालाई एकदम नजिक बाट नियाली रहेको वताए ।
त्यस कै लागि आफुले जन्म दर्ता जस्ता कुराहरुलाई पनि नजिकबाट अध्ययन गरिरहेको उनले वताए ।
वडा नं. ४ वडाध्यक्ष गजेन्द्र पटेलले कार्यक्रमबाट केही पनि बोल्न नसक्ने किशोरीहरु बोल्न सक्ने, बिधालयको पढाइलाई निरन्तरता दिने, बाल बिवाह बिरुद्धको आवज उठाई सबैलाई सम्झाई बुझाई गरी रोक्न सफल भएको वताए । आफुले यसलाई एउटा ठुलो उपलब्धीको रपमा लिएको वताए ।
त्यस्तै अन्य वडाध्यक्षहरुले कार्यक्रमको यत्ती छोटो अवधीमा पनि किशोरीहरुले सोचे भन्दा पनि धेरै उपलब्धी भएको, संवादको उदेश्य पुरा भएको पाएको वताए ।
कार्यक्रममा किशोरीहरुको संजाल तथा समूहलाई हामी अपनत्व लिन्छौ भन्दै वडाध्यक्षहरुले संजाल, वडा र संस्था बिचमा सहमति पत्रमा समेत हस्ताक्षर गरी ३ वटै समुहले लिने दिने कार्य सम्पन्न भएको थियो ।
कार्यक्रममा संरक्षण नेपालका बोर्ड सदस्य प्रभु मंडलको पनि उपस्थिती रहेको थियो । उनले मन्तब्यमा मार्फत संस्थाले अत्यन्तै राम्रो कार्य गरेको किशोरीहरुको मन्तब्य सुन्दा पाएको वताए ।
किशोरी संवादका कार्यलय प्रमुखले आ आफना वडामा हरेक बर्ष एक÷एक वटा संवाद केन्द्र स्थापना गर्न सकेमा किशोर किशोरीहरुमा ठुलो उपलबधी गर्न सक्ने, बाल बिवाह, दाइजो प्रथा, जातीय छुवाछुतमा कमी आउने, बिद्यालयमा निरन्तरता हुने भनी संवाद संचालन गर्न अनुरोध गरे ।
कार्यक्रममा महिला तथा बाल बालीका इकाइका प्रमुख निलम शाहले आफ्नो भनाई राख्दै वडाध्यक्षहरुले महिला हिंसा सम्बनधीका कुराहरु, बाल बालीकाका सवालहरुलाई पनि मुख्य रुपमा काम गर्न सुझाइन । उनले आफ्नो उमेर हाल २७ बर्ष भएको वताउदै आफ्नो परिवारले बाल बिवाह नगरी दिएको जस्ले गर्दा मैले आज यो पोजीसनमा हुने अवसर पाएको वताइन । तसर्थ तपाइहरुले पनि आफनो छोरा छेरहिरुको बाल बिवाह नगरी दिन हुन अनुरोध गरिन ।
कार्यक्रममा संस्थाका सिनीयर संवाद अधिकृत युवराज कार्की, बित्त अधिकृत रबिन भण्डारी, संवाद अधिकृत प्रकाश पाण्डेको समेत उपस्थिीत रहेको थियो भने कार्यक्रमको संचालन सुनेश्वर प्रशाद शाह र उमा राय माझीले गरेका थिए ।
