वीरगन्ज । छात्राहरुलाई विद्यालय छाड्नुपर्ने बाध्यता र प्रवृत्ति रोक्न अभिभावकको महत्वपूर्ण भूमिका रहने सरोकारवालाहरुले बताएका छन् । शिक्षा पत्रकार सामाज र आसमान नेपालको संयुक्त आयोजनमा बीरगंजमा सम्पन्न बहिनी शिक्षाकोलागि दिदी कार्यक्रमको समिक्षा कार्यक्रममा प्रदेश नं. २ का अर्थ राज्यमंत्री उषा यादवले छात्राहरुले बिद्यालय छाडने प्रवृत्तिलाई रोक्न अभिभावकको भूमिका महत्वपूर्ण हुने बताइन ।
उनले समाज र सरकार पनि बालिका शिक्षाका लागि अवरोधकको रुपमा रहेको बताइन । मंत्री यादवले आजको दिनमा छोरीहरुले राम्रो पढेको र उनीहरुमा प्रतिस्पर्धात्मक क्षमता पनि पर्याप्त रहेको बताइन ।
उनले छोरीहरुको प्रतिभालाई फूल्न दिन उचित वतावरण बनाउन अभिभावकलाई अपिल समेत गर्दै परिर्वतन क्रमिक रुपमा हुने भएकोले कतिपय विद्यालयहरुमा छात्राको संख्या छात्र अनुपातमा धेरै रहेको पाउन थालिएको बताइन ।
शिक्षाले वालिकामा सवलीकरण बढेकाे छ : मेयर सरावगी
बीरगंज महानगरपालिकाका मेयर बिजय कुमार सरावागीले दिदी बहिनी शिक्षाले वालिकामा सवलीकरण बढेको र त्यसको लाभ समाजले लिएको बताए । उनले छोरी शिक्षित र सशस्क्त हुदै जादा समाजमा अपराध पनि कम भएको बताए । छोरीमा प्रतिरक्षाको भावनाबढेको र त्यो शिक्षाले सम्भव भएको उनकाे भनाई थियो ।
कार्यक्रममा प्रदेश सभा सदस्य करिमा बेग्म, पाेखरिया नगरपालिकाकी मेयर सलमा खातनु, बिन्दवासिनी गाउँपालिकाकी उपाध्यक्ष किरण देबी गुप्ता लगायतकाे उपस्थिती रहेकाे थियाे ।
