वीरगन्ज । पर्साको जगरनाथपुर गाउँपालिका वडा नम्बर २ लक्ष्मीपुरमा आइतबार बिहान टयाक्टर दुर्घटना हुँदा एक जनाको मृत्यु भएको छ ।
लक्ष्मीपुरबाट धान लोड गरेर वीरगन्ज आउँदै गरेको लु ३ त १२१६ नम्बरको ट्याक्टर लक्ष्मीपुरमै रहेको चन्द्रवाती खोलाको पुलबाट करिब १ सय मिटर तल खसेको थियो ।
टयाक्टरले च्यापिएर टयाक्टरका चालक ३५ वर्षीय राम मनोहर साहको घटनास्थलमै मृत्यु भएको प्रहरीले जनाएकाे छ । टयाक्टर धनीसमेत रहेका साह आफैँले चलाएर ल्याएको टयाक्टर अनियन्त्रित भइ पुलबाट तल खसेको हो ।
धान लोड भएको ट्याक्टरले थिचिएर उनको घटनास्थलमै मृत्यु भएको प्रहरी चौकी पाण्डेपुरका प्रहरी सहायक निरीक्षक आदर्श खतिवडाले जानकारी दिए ।
प्रतिक्रिया लेख्नुहोस