वीरगंज । पर्सामा थप २३ जनामा काेराेना भाइरस (काेभिड १९) संक्रमण पुष्टि भएकाे छ । नारायणी अस्पतालकाे प्रयाेेगशालामा बिहिबार गरिएकाे परिक्षणमा पर्साका २३ सहित थप ३३ जनामा काेराेना संक्रमण फेला परेकाे हाे ।
संक्रमित हुनेमा ९ महिला र २४ पुरुष रहेका छन् । संक्रमितहरुकाे सिटी भ्यालु १८ देखी ३५ रहेकाे छ ।
पर्साकाे १७८ जना र बाराकाे २३ जनाकाे स्वाबकाे नमुना पिसिआर बिधिबाट बिहिबार परिक्षण गर्दा पर्साका २३ र बाराका ९ जनामा संक्रमण फेला परेकाे नारायणी अस्पतालका प्रवक्ता डा. अतुलेश कुमार चाैरसियाले जानकारी दिए ।
प्रवक्ता डा. चाैरसियाले दिएकाे जानकारी अनुसार संक्रमित हुनेमा पर्साकाे कालिकामाई गाउँपालिकाकाे सबै भन्दा बढी ११ जना रहेका छन् । कालिकामाई गाउँपालिकाकाे वडा नं. १ का ७ जना, वडा नं. २ का २ जना, वडा नं. ३ र ४ का एक-एक जना संक्रमित भएका हुन् ।
कालिकामाईका संक्रमितहरुमा २ जना स्वास्थ्यकर्मी र २ जना कार्यालय सहयाेगिसमेत रहेका छन् ।
यस्तै वीरगंज आर्मी ब्यारकका २ जना, पाेखरिया नगरपालिकाकाे वडा नं. १ काे २ जना, सखुवा प्रसाैनी गाउँपालिकाकाे वडा नं. १ का ३ जना, वीरगंज महानगरपालिकाकाे वडा नं. ८, २, ११ र धाेबिनी गाउँपालिकाकाे वडा नं. २ का एक-एक जना संक्रमित भएका छन् । वीरगंज महानगरपालिकाकाे एक जना अझै संक्रमित भएपनि वडा खुल्न सकेकाे छैन ।
यस्तै, बाराकाे जिल्ला प्रहरी कार्यालयका २ जना, काेल्भी नगरपालिकाकाे वडा नं. ४, पंचराैता नगरपालिकाकाे वडा नं. १, बारागढी नगरपालिका वडा नं. १, सिम्राैनगढ नगरपालिका वडा नं. ९, निजगढ नगरपालिका वडा नं. ३१ र महागढीमाई नगरपालिका वडा नं. ९ का एक-एक जना संक्रमित भएकाे प्रवक्ता डा. चाैरसियाले जानकारी गराए ।
यस्तै, संक्रमित हुनेमा सिरहाकाे लहानका पनि एक जना रहेकाे डा. चाैरसियाले वताए ।