वीरगंज । पर्साका थप २३ जनामा काेराेना भाइरस (काेभिड १९) संक्रमण पुष्टि भएकाे छ । वीरगंजस्थित नारायणी अस्पतालकाे प्रयाेगशालामा शुक्रबार राति गरिएकाे परिक्षणमा पर्साका २३ सहित २७ जनामा काेराेना संक्रमण देखिएकाे अस्पतालका प्रवक्ता डा. अतुलेश कुमार चाैरसियाले जानकारी दिए ।
संक्रमित हुनेमा ८ बर्षिय बालकदेखी ७४ बर्षिय वृद्धसम्म रहेका छन् । उनीहरुकाे सिटी भ्यालु १४ देखि ३४ सम्म रहेकाे छ ।
प्रवक्ता डा. चाैरसियाका अनुसार १९२ जनाकाे स्वाबकाे नमुना परिक्षण गर्दा पर्साका २३ जना, बाराका ३ जना र राैतहटका एक जनामा काेराेना पाेजिटिभ देखिएकाे हाे । पर्साकाे मात्र १६६ जनाकाे स्वाबकाे नमुना परिक्षण गरिएकाे थियाे ।
पर्साका कालिकामाई गाउँपालिकाकाे वडा नं. १ का ११ जना, वीरगंज महानगरपालिकाकाे वडा नं. २, १०, २५, २७ का एक-एक जना, वडा नं. ४ का ३ जना र वडा नं. १४ का २ जना संक्रमित भएका छन् ।
यस्तै संक्रमित हुनेमा पर्सा कै जगरनाथपुर गाउँपालिका वडा नं. ५, सखुवा प्रसाैनी गाउँपालिका वडा नं. २ र बहुदरमाई नगरपालिका वडा नं. ७ काे एक-एक जना रहेकाे प्रवक्ता डा. चाैरसियाले वताए ।
त्यसैगरी, बाराकाे फेटा गाउँपालिका वडा नं. ३, बारागढी गाउँपालिका वडा नं. १ र परवानीपुर गाउँपालिकाकाे वडा नं. २ का एक-एक जना संक्रमित भएका छन् ।
