Date
शुक्र, मंसिर ४, २०८३
Fri, November 20, 2026

पर्साका ११ सहित थप १५ जनामा काेराेना संक्रमण पुष्टि

spot_img
spot_img

वीरगञ्ज । पर्साका थप ११ जनामा काेराेना भाइरस (काेभिड १९) संक्रमण पुष्टि भएकाे छ । वीरगञ्जस्थित नारायणी अस्पतालकाे प्रयाेगशालामा बिहीबार राति गरिएको परिक्षणको रिपोर्ट अनुसार १५ जनामा संक्रमण पुष्टि भएकाे हाे ।

जसमा पर्साका ११ र बाराका ४ जना रहेकाे नारायणी अस्पतालका प्रवक्ता डा. अतुलेश कुमार चाैरसियाले वताए । उनका अनुसार थपिएका संक्रमितहरुमा १४ जना पुरुष र १ जना महिला रहेका छन् । उनीहरुकाे सिटी भ्यालु १८ देखी ३४ सम्म रहेकाे छ ।

बिहीबार पर्साका १०३ जना र बाराकाे २२ जनाकाे स्वाबकाे नमुना परिक्षण गरिएकाे प्रवक्ता डा. चाैरसियाले जानकारी दिए ।

पर्सामा थपिएका संक्रमित वीरगञ्ज महानगरपालिकाका १० जना र छिपहरमाई गाउँपालिकाका १ जना रहेका छन् ।

वीरगञ्ज महानगरपालिकाको वडा नम्बर ६, १४, १५, १६ र २६ का एक/एक जना रहेका छन् भने वडा नम्बर १० का दुई जना र वडा नम्बर २९ का तिन जनामापनि संक्रमणको पुष्टि भएको डाक्टर चौरसियाले बताए ।

यस्तै, छिपहरमाईको वडा नम्बर ५ मा पनि संक्रमण देखिएकाे उनले जानकारी गराए ।

बारामा थपिएका संक्रमित पचरौता, सिम्रौनगढ र आदर्श कोतवालका बासिन्दाहरु रहेका छन् । पचरौता नगरपालिकाको वडा नम्बर ३ का एक जनामा संक्रमण देखिएको छ । त्यसैगरी, सिम्रौनगढ नगरपालिकाको वडा नम्बर ४ का एक जना संक्रमित भएका छन् भने आदर्शकोतवाल वडा नम्बर ५ का दुई जनामा संक्रमण देखिएको छ ।

बुधबार राति पनि नारायणी अस्पतालकाे प्रयाेगशालामा गरिएकाे परिक्षणमा पर्साका ११ जनामा संक्रमण देखिएकाे थियाे । 

spot_img

ताजा अपडेट

spot_img
spot_img
spot_img
शम्भु कुमार सुमन
शम्भु कुमार सुमन
यस अनलाइनका सम्पादक हुन् । सम्पर्क नं. ९८५५०३५४५७, ईमेल : shambhushah6@gmail.com

थप समाचार

पर्सामा ९ लाख ७६ हजारको भन्सार छलीका सामान बरामद

वीरगञ्ज। पर्सामा भारतबाट भन्सार छली चोरी पैठारी गरी ल्याइएका करिब ९ लाख ७६ हजार रुपैयाँ बराबरका लत्ताकपडा तथा तरकारी बरामद गरिएको छ। प्रहरीका अनुसार मिति...

राहदानी बनाउँदा टीका र सिन्दूर हटाउन लगाएको भन्दै विश्व हिन्दु परिषद्को आपत्ति

वीरगञ्ज । राहदानी (पासपोर्ट) बनाउने क्रममा निधारको टीका, सिन्दूर पुछ्न तथा कपालको प्राकृतिक रङ परिवर्तन गर्न लगाइएको भनिएको घटनाप्रति विश्व हिन्दु परिषद् नेपालले आपत्ति...

पर्सा–बाराका चार पालिकामा मंसिरभित्रै नगर बस सञ्चालन गर्ने तयारी

वीरगन्ज । वीरगन्जसहित पर्सा र बाराका चार स्थानीय तहलाई जोडेर एकीकृत सार्वजनिक यातायात सेवा (नगर बस) सञ्चालन गर्ने तयारी गरिएको छ। वीरगन्ज महानगरपालिका, जीतपुरसिमरा उपमहानगरपालिका,...