वीरगंज । बारामा २ केजी लागूऔषध अफिमसहित ६० वर्षीय एक वृद्ध पक्राउ परेका छन् । पचरौता नगरपालिका–६ पकडी बस्ने सहजमान मिया अन्सारी पक्राउ परेका हुन् ।
भारतिय सिमानासँग टाँसिएको वडा नम्वर ४ ईनर्वास्थित पिलर नम्वर ३६६/६ स्थित दशगाजा क्षेत्रमा अन्सारीलाई पक्राउ गरिएको सशस्त्र प्रहरी उपरिक्षक रोविनराज कर्णजितले जानकारी दिए ।
विशष सुराकीको आधारमा अन्सारीमाथि शंका लागेपछि चेकजाँच गर्ने क्रममा खानतलासी गर्दा निजसँग रहेको लागूऔषध अफिमको एक–एक केजीको दुईवटा पोका बरामद गरिएको उपरिक्षक कर्णजितले बताए ।
पक्राउ परेका अन्सारीलाई आवश्यक कारवाहीका लागि पठाउने तयारी भइरहेको उनले बताए ।
प्रतिक्रिया लेख्नुहोस