वीरगंज । संस्कृृत, पर्यटन तथा नागरिक उड्डयन मन्त्री योगेश भट्टराईले जन्मदिनको उपलक्ष्यमा एसिड पीडित वीरगंजकी बालिका मुस्कान खातुनलाई नगद सहयोग गरेका छन् ।
मन्त्री भट्टराईले खातुनलाई रु ५० हजार नगद सहयोग गरेकाे उनकाे सचिवालयले जनाएकाे छ । एसिड प्रहारबाट घाइते भएकी खातुनलाई आफ्नाे मन्त्रालय मै बाेलाएर मन्त्री भट्टराईले साे रकम हस्तान्तरण गरेका हुन् ।
कक्षा ९ मा अध्ययनरत खातुनको अध्ययन खर्चमा सहयोग पुग्ने गरी जन्मदिनको अवसर पारी मन्त्री भट्टराईले नगद सहयोग गरेको सचिवालयले जनाएको छ ।
उनले खातुनलाई भविष्यमा डाक्टर बन्ने शुभकामना समेत दिए । आफुले दिएको रकम बैंकमा जम्मा गर्न र डाक्टर पढ्ने बेला खर्च गर्न आग्रह समेत उनले गरे ।
केही दिन अगाडि खातुनलाई प्रधानमन्त्रीले समेत वालुवाटार बोलाएर शिक्षाको प्रवन्ध गर्ने वचन दिएका थिए ।
प्रतिक्रिया लेख्नुहोस