वीरगंज । पर्सामा थप एक काेराेना संक्रमितकाे मृत्यु भएकाे छ । वीरगंज महानगरपालिकाकाे वडा नं. २४, बहुअरीका ८० वर्षिय पुरूषकाे मृत्यु भएकाे नारायणी अस्पतालका प्रवक्ता डा. अतुलेश चाैरसियाले जानकारी दिए ।
भदाै १३ गते स्वाब संकलन गरेर नारायणी अस्पतालकाे प्रयाेगशालामा परिक्षण गर्दा साेही दिन काेराेना पुष्टि भएका ती पुरूषकाे बीरगन्ज हेल्थकेयर अस्पतालमा भर्ना गरिएकाे थियाे ।
दिर्घराेगीसमेत रहेका उनकाे उपचारकाे क्रम साेमबार दिउसाे ३:२० मा मृत्यु भएकाे प्रवक्ता चाैरसियाले वताए ।
कुनै ट्राभल हिस्ट्री नभएकाे ती पुरूषलाई लिभर सम्बन्धी पनि समस्या थियाे । उनकाे आइसियुमा राखेर उपचार भइरहेकाे थियाे ।
याेसंगै पर्सामा काेराेना संक्रमणका कारण मृत्यु हुनेकाे संख्या जिल्ला प्रशासन कार्यालयकाे तथ्यांक अनुसार ३७ पुगेकाे छ ।
प्रतिक्रिया लेख्नुहोस