वीरगंज । पर्साको सखुवाप्रसौनी गाउँपालिकाको सबै वडामा आज देखी ३ महिने सिलाईकटाई तालिम सुरु भएकाे छ । वडा नं. ५ महुवनमा तालिमकाे एक कार्यक्रमका बिच गाउँपालिका अध्यक्ष प्रदिप जयसवालले उद्घाटन गर्नु भयाे ।
वडा नम्बर १ देखी ६ सम्मका एकल महिला, असहाय, बिपन्न, गरीब महलिालाई सिलाईकटाईको तालिम दिई आत्म निर्भर बनाउने उद्देश्यले सिलाईकटाई तालिम सबै वडामा दिने गरिएको अध्यक्ष जयसवालले बताउनु भयाे । प्रत्येक आर्थिक बर्षमा २० देखी ३० जना सम्म सबै वडाका महिलालाई तालिम दिई सक्ष्म बनाउने उदेश्य सहित बिगतका बर्ष देखी यो कार्यक्रम शुरु गरिएको जानकारी गराउनु भयाे ।
सबै वडामा सिलाईमसिन सहित सिलाईकटाई तालिम भइरहेकाे र सो तालिम केन्द्रमा गई सिक्ने र सक्ष्म भई रोजगारी पाउने अध्यक्ष जयसवालको दावी रहेको छ ।
सखुवाप्रसौनि गाउँपालिकामा अहिले सम्म ६ वटा बडामा ९० जना गरीब, असहाय र एकल महिलालाई सिलाई मसिन पनि बितरण गरि रोजगार बनाइएको छ । तालिम लिई सिलाई मसिन पाएकी महिलाहरु ब्यक्तिगत आम्दानी गरी सक्ष्म बनिरहेको समेत अध्यक्ष जयसवालले बताउनु भयाे ।
वडाध्यक्ष रुपलाल यालवकाे अध्यक्षता र गाउँपालिका अध्यक्ष जयसवालकाे प्रमुख आतिथ्यतामा तालिम उद्घाटन कार्यक्रम भएकाे थियाे । गाउँपालिकाकाे आयाेजनामा तालिम संचालन भएकाे हाे ।
