वीरगंज । पर्साको कालिकामाई गाउँपालिका वडा नम्बर १ मुडलीमा आज दुई दाजुभाई विच भएकाे विवाद झडपमा परिणत हुदा ४ जना घाइते भएका छन् ।
जग्गाको बिषयलाई लिएर भएकाे झडपमा दुई दाजुभाई सहित ४ जना घाईते भएका हुुन् । राजाराम मुखिया बिन र रामभरोस मुखिया बिन बिचको अंशको जग्गा नापनाक्शाकाे क्रममा विवाद हुदा झडप समेत हुन पुग्याे । दुबै जना दाजुभाई हुन् ।
झडपमा परी रामभरोस, निजकी श्रीमती सिता देवी, रामराज र निजका ३० बर्षीय छोरा शुबास मुखिया बिन घाइते भएका छन् । रामभराेस, सिता र रामराजकाे टाउको फुटेकाे छ भने शुवासकाे शरिरमा गम्भिर चोट लागेको छ ।
शुबास मुखिया बिन पहिला देखी नै हर्टको पैसेन्ट रहेको र निजको ६ महिना अगाडी हर्टको अप्रेसन भएको प्रहरीले जनाएको छ ।
घाइते चारै जनाको उपचारका लागी पोखरीया अस्पतालमा पठाइएको प्रहरीले जनाएकाे छ ।
प्रतिक्रिया लेख्नुहोस