वीरगंज । पर्साको कालिकामाई गाउँपालिका वडा नम्बर १ को कार्यवाहक वडाध्यक्ष रामाशिष यादव भएका छन् । वडा सदस्यहरुले यादवलाई सर्वसम्मत कार्यवाहक वडाध्यक्षकाे जिम्मेवारी दिएका हुन् ।
गाउँपालिकाले पनि कार्यवाहक वडाध्यक्षमा यादवलाई नै अनुमोदन गरेको छ । गाउँपालिकाले सिफारिसपत्र सहित हस्ताक्षर समेत प्रयोग गर्ने लिखित पत्र दिइएपछि मंगलबार देखी नै औपचारिक रुपमा यादवले कार्यवाहक वडाअध्यक्षको पदभार सम्भालेकाे कार्यपालिका सदस्य रामानन्द ठाकुरले बताए ।
सो वडाका निर्वािचत वडाअध्यक्ष शिवनाथ कुर्मीको पुस २६ गते असमायिक निधन भए पछि कार्यवाहकको रुपमा यादवलाई निर्णय गरिएको वडा नम्बर १ का वडा सचिव हर्कनारायण जोशीले बताए ।
प्रतिक्रिया लेख्नुहोस