वीरगंज । पर्साकाे पाेखरिया नगरपालिकामा प्रथम नगर बाल भेला आज सम्पन्न भएकाे छ । नगरपालिकाको सभा हलमा भएकाे भेलाले २३ सदस्यीय नगर बाल क्लब संजाल गठन गरेकाे छ ।
राजकपुर साहकाे अध्यक्षतामा गठन भएकाे संजालकाे उपाध्यक्ष कंचन गुप्ता, सचिव बिरबहादुर महताे, सह सचिव अन्तिमा कुमारी, काेषाध्यक्ष संदिप कुमार चयन भएका छन् । नवगठित संजालकाे सदस्यमा राधेश्याम ठाकुर, सुमित मुखिया, माेनिता दास, मारुफ अली, प्रतिमा शर्मा, अंजली कुमारी, खुश्बु कुमारी साह, राजन कुमार साह, मधु कुमारी, जयमंगल दास, ममता साह, अंजु कुमारी चाैहान, रुकैया खातुन चयन भएकाे दिव्यानी बाल अधिकार मंचका अध्यक्ष अर्जुन साहले वताए । वाकी ५ जनालाई पछि मनाेनित गरिने अध्यक्ष साहले जानकारी गराए ।
भेलाकाे उद्घाटन पाेखरिया नगरपालिकाकी उप मेयर सलमा खातुनले गरेकी थिइन । कार्यक्रमकी प्रमुख अतिथी समेत रहेकी उप मेयर खातुनले बाल अधिकार सुनिश्चिताकाे लागि बालबालिका एकजुट हुन जरुरी रहेकाे वताइन ।
पाेखरिया नगरपालिकाे आयाेजनामा भएकाे भेलामा नगरपालिका अन्तर्गतका १० वटै वडाका २/२ जना गरी २० जनाकाे सहभागिता रहेकाे थियाे । भेलामा पाेखरिया नगरपालिका समाजिक शाखाका विनाेद पाण्डे, आइटी अफिसर अरबिन्द दुबे, वीरगंज महानगरपालिकाबाट बाल अधिकारमा काम गर्ने ज्याेति साह लगायतकाे सहभागिता रहेकाे थियाे ।
