वीरगंज । वीरगंजमा यही माघ ११ गते शनिबार एजुकेशनल माेटिवेशनल सेमिनार हुने भएकाे छ । साेसाइटी वेलफेयर कमिटी हेटाैंडाले वीरगंज स्थित राेयल पार्टी प्यालेसमा सेमिनार आयाेजना गर्न लागेकाे हाे ।
आयाेजक संस्थाले बुधबार वीरगंजमा पत्रकार सम्मेलन गर्दै सेमिनामा प्रबेश नि:शुल्क हुने जनाएकाे छ । समिनारकाे प्रमुख वक्ताहरुमा वीरगंजका युवा नेता रहबर अन्सारी, ई. राजेश यादव, हरेराम अचार्य, प्रदिप कुमार साह, बासुलाल कर्ण लगायतका रहेकाे आयाेजक संस्थाका सचिव प्रदिप कुमार साहले वताए ।
प्रदेश नं. २ का ८ वटै जिल्लामा आयाेजना गरिने सेमिनार तेस्राे जिल्लाकाे रुपमा पर्साकाे सदरमुकाम वीरगंजमा आयाेजना गर्न लागिएकाे सचिव साहले वताए । उनले यस अघि धनुषाकाे जनकपुर र बाराकाे कलैयामा सेमिना सम्पन्न भइसकेकाे जानकारी गराए ।
एउटा जिल्लामा सेमिनार आयाेजना गर्न अनुमानित रु २ लाख खर्च भए पनि प्रबेश शुल्क नि:शुल्क गरिएकाे उनकाे भनाई थियाे । तिन सिफ्टमा आयाेजना गर्न लागिएकाे सेमिनारमा प्रति सिफ्ट ५ सय गरी १५ सय जनाकाे सहभागिता गराउने लक्ष्य रहेकाे साहले वताए ।
वीरगंज मुर्ली स्थित रहेकाे नेपाल पत्रकार महासंघ पर्साकाे भवनमा भएकाे पत्रकार सम्मेलनमा आयाेजक संस्थाका महम्मद असलम अली, सुनिल साह, जमिर राउत गद्दीकाे पनि उपस्थिती रहेकाे थियाे ।
