वीरगंज । लागु औषध मुद्दाका फरार प्रतिवादी एक जनलाई पर्सा प्रहरीले पक्राउ गरेकाे छ । पर्साकाे जगरनाथपुर गाउँपालिका वडा नं.६ बस्ने बर्ष २८ का सुजित यादवलाई प्रहरीले पक्राउ गरेकाे हाे ।
पर्सा जिल्ला अदालतको लगत नं.११९८ मिति २०७४।०५।२३ गतेको फैसलाले ९ महिना कैद र रु.२५००।- जरिवाना तोकिएको लागु औषध मुद्दाका फरार प्रतिवादी यादवलाई प्रहरीले पक्राउ गरेकाे जिल्ला प्रहरी कार्यालय पर्साले जनाएकाे छ ।
प्रहरी कार्यालयका अनुसार जिल्ला प्रहरी कार्यालय पर्साबाट खटिएको प्रहरी टोलीले आइतबार निजकै गाउँघरमा लुकिछिपि बसी रहेको अबस्थामा फेला पारी नियन्त्रणमा लिई आवश्यक कारवाहीको लागी पर्सा जिल्ला अदालतमा पठाइएको छ ।
