वीरगंज । पर्साकाे सखुवा प्रसाैनी गाउँपालिकाले “सुत्केरी पाेषण स्याहार कार्यक्रम” संचालन गरेकाे छ । गाउँपालिकाकाे स्वास्थ्य शाखकाे आयाेजनामा सुरु भएकाे कार्यक्रम अन्तर्गत बर्थिङ्ग सेन्टरबाट प्रस्तुती भएका आमाहरुलाई ५ किलाे दाल र एक लिटर खाने तेल वितरण गरिएकाे छ ।
सखुवा प्रसाैनी स्वास्थ्य चाैकीबाट ०७६ श्रावण देखी कार्त्तिक सम्म सुत्केरी भएका एक सय जना आमाहरुलाई बिहिबार दाल र तेल वितरण गरिएकाे स्वास्थ्य शाखा प्रमुख राजेश प्रसाद राैनियारले वताए । सुत्केरी भएका आमाहरुलाई एक कार्यक्रमका बिच गाउँपालिका अध्यक्ष प्रदिप जयसवालले दाल र तेल वितरण गरी कार्यक्रममा सुरुवात गरे।
त्यस्तै गाउँपालिका अन्तर्गतका महुवन र मधुवन मथवल स्वास्थ्य चाैकीबाट सुत्केरी भएका आमाहरुलाई दाल र तेल वितरण भइरहेकाे स्वास्थ्य शाखा प्रमुख राैनियारले जानकारी गराए ।
