वीरगंज । नेकपा निकट प्रेस संगठन पर्साको घोषणा सभा आज सम्पन्न भएको छ । तत्तकालिन नेकपा एमाले निकट प्रेस चाैतारी र माओवादी केन्द्र निकट प्रेस सेन्टरकाे एकता पछि मिलेर बन्नेकाे प्रेस संगठन पर्साकाे घाेषणा सभा सम्पन्न भएकाे हाे ।
नेपाल पत्रकार महासंघ पर्साकाे सभा हलमा भएकाे घाेषणा सभामा वाेल्ने वक्ताहरुले श्रमजिवी पत्रकारहरुको हकहितको लागि प्रेस संगठनले काम गर्नुपर्ने धारणा राखे । वक्त्ताहरु देश बिकाश र सरकारको कमीकमजोरीकाे बारे पनि स्वतन्त्रपूर्वक कलम चलाउन आग्रह गरे ।
वक्त्ताहरुले संगठनमा लागेका पत्रकारहरुको क्षमता अभिवृद्धि गर्न बिभिन्न किसिमकाे तालिम गोष्ठीको समेत आयोजना गर्न पनि आग्रह गरे ।
कार्यक्रममा पत्रकार कन्हैया गुप्ता, हेमन्त तमाङ्ग, अकलेश साह, पुनम चौधरीले प्रेस संगठनमा प्रवेश गरे । नव प्रवेशीहरुलाई कार्यक्रमका अतिथीहरुले फुलकाे माला र अविरकाे टिका लगाई संगठन भित्र स्वागत गरेका थिए ।
संगठनका पर्सा संयोजक निरज पिठाकोठेको अध्यक्षतामा भएको कार्यक्रममा नेकपाका केन्द्रिय सदस्य एंव वीरगंज महानगर ईन्चार्ज दिनेश राई, नेकपा पर्साका अध्यक्ष प्रभु हजरा, सचिव बिजय महतो, प्रेस संगठन प्रदेश २ का इन्चार्ज लालबाबु शेख, नेकपा वीरगंज महानगर अध्यक्ष रहब अंसारी, नेपाल पत्रकार महासंघ प्रदेश २ का उपाध्यक्ष केसी लामिछाने, प्रेस संगठनका केन्द्रिय सदस्य राघव साह, प्रेस संगठन पर्साका सल्लाहकार समितीका अध्यक्ष महेश दास, नेपाल पत्रकार महासंघ पर्साका अध्यक्ष श्याम वन्जारा लगायतकाले मन्तव्य राखेका थिए ।
संगठनका सह संयोजक अनुप तिवारीले स्वागत गरेको कार्यक्रमको सहजीकरण संजिव मिश्राले गरेका थिए । कार्यक्रममा प्रेस संगठ पर्साका ३५ सदस्यि कार्य समिति र सलाहकार समितिलाई समेत फुलकाे माला, खादा र अविरकाे टिका लगाई कार्यक्रमका अतिथीहरुले बधाई तथा शुभकामना व्यक्त्त गरेका थिए ।
