वीरगंज । नेपाल विद्यार्थी संघ पर्साले वीरगंजस्थित् गुरुकुल एकेडमीको प्रशासन शाखामा तालाबन्दी गरेको छ । विद्यालय प्रशासनले विद्यार्थीहरु संग निर्धारित शुल्क भन्दा बढि रकम असुल गरेको बिरोधमा तालाबन्दी गरिएको नेवि संघका नेता विवेक कलवारले वताए ।
वीरगंज महानगरपालिका वडा नं. १३ स्थित गुरुकुल एकेडमीले विद्यालयमा अध्यनरत कक्षा ९ र १० कक्षाका विद्यार्थीहरु संग परिक्षा आबेदन फारमका लागी परिक्षा बोर्डले तोकेको शुल्क भन्दा ३ गुणा बढि रकम असुस्ली गरेको, बैशाख देखि चैत सम्मको शिक्षण शुल्क, यातायात र अन्य शुल्क एकै पटक तिराउन लगाएको पाईएको छ ।
नेवि संघले केहि दिन अगाडी जिल्ला प्रशासन कार्यालय र वीरगंज महानगरपालिका कार्यालयको शिक्षा शाखालाई विद्यालय माथि आवश्यक कारवाही गरि अतिरिक्त शुल्क फिर्ता गराउन माग गर्दै ज्ञापन पत्र समेत बुझाएको थियो । संघको मागलाई वास्ता नगरे पछि बाध्य भएर तालाबन्दी गरिएको नेता कलवारले वताए ।
नेवि संघका नेता विकेश पटेलको नेतृत्वमा विद्यार्थी नेता प्रसान्त सिंह, प्रकाश रौनियार, दिपक पटेल(माया), मोनाजिर आलम, विशाल पटेल, बिबेक कलवार लगायतकाले तालाबन्दी गरेका हुन ।
