वीरगंज । नेपाल विद्यार्थी (नेवि) संघ र समाजवादी विद्यार्थी संघले नेशनल मेडिकल कलेजका संचालकलाई प्रशासनले कारवाही नगरेकाे विराेधमा आज चन्दा संकलन गरेका छन् । कलेजका आन्दाेलनरत विद्यार्थी माथी कुटपिट गर्नेहरुलाई पैसा खाएर पर्सा प्रशासनले कारवाही नगरेका कारण पर्साका सिडियाे र एस.पिलाई उपहार दिन विराेध सवरुप चन्दा संकलन गरिएकाे नेवि संघ पर्साका नेता राेशन सिंहले वताए ।
उनले भने नेशनल मेडिकल कलेजका विद्यार्थीहरु माथी बारम्बार कुटपिटकाे घटना हुदा पनि पर्साका प्रमुख जिल्ला अधिकारी नारायण प्रसाद भट्टराई र पर्साका प्रहरी उपरिक्षक साेमेन्द्र सिंह राठाैरले किन कारवाही नगरे हाेलान्, कहि त कलेज संचालक बसरुदिन अन्सारीबाट पैसा खाएर माैन बसेका हाेईनन्, त्यही भएर हामी उहाँहरुलाई पैसा नै चाहिन्छ भने हामी चन्दा उठाएर पैस दिन्छाै तर कलेजका संचालकलाई कारवाही गर्नु पर्याे ।
यसका साथै हामीले उहाँहरुलाई उपहार पनि दिन्छाैं तर दाेषी उम्कनु भएन । चन्दा संकलित रुपयाबाट उपहार किनेर सिडियाे र एसपी साहेबलाई पठाइने उनले वताए ।
नेवि संघ र समाजवादी विद्यार्थीले संयुक्त्त रुपमा आजै वीरगंजकाे घण्टाघरमा चन्दा संकलन गर्नुकाे साथै कलेज प्रशासन र पर्साका प्रशासन विरुद्ध चक्राे नारा लगाउदै प्रदर्शन समेत गरेका छन् । विद्यार्थीमाथी भइरहेकाे ज्यादती राेकन र कलेजका संचालक बसरुदिन अन्सारीलाई पक्राउ गरी कारवाही गर्न माग राख्दै चन्दा संकलकाे साथै प्रदर्शन समेत गरिएकाे समाजवादी विद्यार्थी संघका नेता सुजित गिरीले वताए ।
