बीरगञ्ज । वीरगञ्ज महानगरपालिका वडा नं १६ नगवास्थित लालबाबु राउत यादवको घरमा रहेको कवाडी स्टोरमा आगलागी भएको छ ।
अर्जुन गुप्ताले सञ्चलन गरेको कवाडी स्टोमा आगलागी हुँदा सँगै टासिएको मनोजकुमार सहाले सञ्चालन गरेको बालजी सब्जी सप्लायर्समा पनि आगलागी भई क्षति भएको छ । क्षतिको एकिन विवरण आउन सकेको छैन ।
शनिबार राती ८ः२५ मा शुरु भएको आगो ८ः४५ मा नियन्त्रणमा आएको प्रहरीले जनाएको छ ।
महानगरको दुई वारुण यन्त्र र सशस्त्र प्रहरी, बसपार्कस्थित प्रहरी बिटका प्रहरी तथा नगबा प्रहरीको सक्रियातामा अगो नियन्त्रणमा आएको थियो ।
