वीरगंज । पर्साको कालिकामाई गाउँपालिकाकाे वडा नम्बर २ भेडिहारीमा गठित जनसंघर्ष समितीले बिहिबार गाउँपालिकाको कार्यालयमा संघर्ष समिती दर्ता गराउनुका साथै गाउँको समस्याको बारे प्रमुख प्रशासकिय अधिकृतलाई अवगत गराएको छ ।
संघर्ष समितीका संयोजक रामेश्वर चौरसियाको संयोजकत्वमा गएको दर्जनौ सदस्यहरुको टोलीले श्री सुकई साह माध्यमिक बिधालयलाई कक्षा १२ सम्मको सहम्मती दिने, बिधालयको प्रांगनमा खाल्डो भएकोले माटो पुर्ने, र विकासको बारेमा सहयोग गर्ने र भ्रष्टाचारीको बारेमा अवगत गराएको छ ।
संघर्ष समितीको निवेदन बुझदै प्रमुख प्रशासकिय अधिकृत राजु साहले तपाईहरुको विकास प्रतिको लगनशिलताले मन खुशी भएको बताउनु भएको छ । आफुले नियम सम्मत रहेको सम्मपुर्ण कुरामा सहयोग गर्ने र बिधालयलाई १२ कक्षा सम्मको लागी गाउँपालिकाको कार्यालयले सहम्मती दिने प्रतिबद्धता गर्नु भएको छ ।
अधिकृत साहको साकारात्मक प्रतिबद्धताले समितीका संयोजक चौरसिया सहित सम्मपुर्ण टोलीले धन्यवाद दिएको सदस्य ताजिन्द्र साह कलवारले बताए ।
