काठमाडौं । पूर्व सभामुख कृष्णबहादुर महराबिरुद्ध बलात्कार अभियोगमा उजुरी दर्ता भएको छ । पीडित महिला रोशनी शाहीले शुक्रबार महानगरीय प्रहरी वृत्त, बानेश्वरमा महरा बिरुद्ध जाहेरी दर्ता गराएकी हुन् ।
- Advertisement -
शाहीले यौन दुर्व्यवहार गरेको आरोप लगाएपछि महराले पदवाट राजीनामा दिएका थिए । यसअघि शाहीले यौन दुब्र्यवहार भएको आरोप लगाएपछि उजुरी दर्ता गरेकी थिइनन । महराको राजीनामा आएसँगै उनले बयान फेरेर दुब्र्यवहार नै नभएको दावी गरेकी थिइन् ।
जाहेरी परेसँगै प्रहरीले घटनाको अनुसन्धान प्रक्रिया अघि बढाउन बाटो खुल्ला भएको छ । अब प्रहरीले महरालाई पक्राउ गर्ने सम्भावना रहेको छ ।
