वीरगंज । पर्सा जिल्ला एथलेटिक्स संघले शनिबार वीरगंजमा आयोजना गरेको म्याराथनमा आफन्तलाई जिताउन खेलाडीलाई सहभागि नगराइएको आरोप लागेको छ । एथलेटिक्स खेलाडी प्रिन्स मुखियाले आफन्तलाई जिताउन आफुलाई नखेलाइएको आरोप लगाएका छन । उनले कालिका टाइम्स संग कुरा गर्दै आफुले पर्सा जिल्ला एथलेटिक्स संघको बिरोध गरेका कारण पनि आफुलाई म्याराथनमा सहभागि नगराइएको वताए ।
पर्सा एथलेटिक्स संघको बजेट हिनामिना गरेकोमा आफुले विरोध गरेका कारण आफु संग अन्याय भएको प्रतिक्रिया दिए । म्याराथनमो उपाधि वीरगन्ज १० घडीअर्वाका १९ वर्षीय अनिल कुमार साहले जितेको आयोजकले जनाएको छ । यस्तै म्याराथनमा महिला तर्फको उपाधि भने वीरगन्जकी संगीता यादवले जितेकी छन् । वीरगन्जको घण्टाघर चोकबाट सुरु भएको दौड प्रतियोगिता माइस्थान, आदर्शनर, अलखीयामठ, घडीअर्वा, मुर्ली, पावरहाउस चोक हुँदै गण्डक चोकमा रहेको शहिद तेज बहादुर अमात्यको शालिकस्थलबाट फर्किएर पुन घण्टाघर चोकमै पुगेर सकिएको थियो । म्याराथन प्रतियोगिताको उद्घाटन सामाजिक अभियन्ता प्रकाश थारुले गरेका थिए ।
