वीरगंज । वीरगंजको ड्राइपोर्टमा सोमबार विहान ट्रकले मोटरसाइकललाई ठक्कर दिदा २ जना गम्भीर घाइते भएका छन । घाइते हुनेमा मोटरसाइकलमा सवार वीरगंज २६ सुगौली विर्ताका जोगिन्द्र साह कानुकी १५ बर्षिय छोरी ज्योति कुमारी र बहुदरमाई नगरपालिकाको भौराटारका अशोक साहका छोरा १४ बर्षिय मोटरसाइकल चालक राहुल साह रहेका छन ।
दुबै जनाको नारायणी अस्पताल वीरगंजमा उपचार भइरहेको छ । घाइते राहुलको दाहिने खुट्टाको तिन ठाउँमा भाँचेको छ भने दाहिने हात पनि भाँचेको छ । ज्योतिको दाहिने खुट्टाको घुडामा कटेको छ ।
वीरगंज देखी ड्राइपोर्ट तर्फ जादै गरेको ना. ५ ख. ७२५० नम्बरको ट्रकले विपरित दिसाबाट आइरहेका ना. २५ प. ८९७४ नम्बरको स्पेलेन्डर मोटरसाइकललाई ठक्कर दिदा दुर्घटना भएको हो । राहुल आफ्नो मामाको छोरी ज्योतिलाई विद्यालय पुर्याउन भौराटारबाट वीरगंज आइरहेका थिए । घाइते ज्योति वीरगंंज रानिघाट स्थित ज्ञानभाटिका विद्यालयमा अध्ययनरत छिन ।
