वीरगंज । वीरगंज महानगरपालिकाको वडा नं. २३ को कार्यालय प्रसौनी विर्तामा सामुदायिक सुचना तथा सेवा सहजिकरण केन्द्र स्थापना भए पछि सेवाग्राहीलाई सजिलो भएको छ । सहजिकरण केन्द्रमा बस्ने स्वयं सेवकहरुको सहयोगले सेवाग्राहीलाई सजिलो भएको वडा सचिव राजिन्द्र यादवले वताए ।
वडा कार्यालयमा आउने सेवाग्राहीहरुलाई आफुहरुले आवश्यकता अनुसारको सहयोग गर्ने गरेको सहजिकरण केन्द्रका स्वयं सेवक प्रदिप कुमारले वताए । सहजिकरण केन्द्र मै भेटिएकी अर्का स्वयं सेवक ज्योति कुशवाहा हाल आफुहरु सेवाग्राहीको बैंकमा खाता खोल्ने फर्म भरेर सहयोग गरेको वताइन ।
वडामा समाजिक सुरक्षा भत्ताको लागि थप भएका नयाँ सेवाग्राहीको खाता खोलिदिनको लागि कृषी बिकास बैंक त्यही पुगेको थियो । सोही कार्यको लागि सहजिकरण केन्द्रमा बसेका स्वयं सेवकहरु फर्म भर्नमा व्यस्त देखिन्थे । दलित बालबालिका, जेष्ठ नागरिक र एकल महिलाको समाजिक सुरक्षा भत्ता वितरणको लागि खाता खोल्नु परेकोले उहांहरु आफै फर्म भर्न नसकेर आफुहरु भरेर सहयोग गरिदिएको अर्का सहजिकरण केन्द्रकी स्वयं सेवक उषा कुशवाहाले वताइन ।
यस्तै वडा कार्यालयमा आउने अन्य सेवाग्राहीहरुलाई पनि आफुहरुले आवश्यकता अनुसारको सहयोग गर्ने गरेको उनको भनाई थियो । शनिबार मात्र ३० जना बालबालिका, जेष्ठ नागरिक र एकल महिलाको खाता खोलिएको बैंकका लेखापाल किशोर न्यौपानेले वताए । सहजिकरण केन्द्रमा बसेका स्वयं सेवकहरुले फर्म भरेर सहयोग गरिदिएका कारण आफुहरुलाई खाता खोल्न सजिलो भएको बैंककी एसिसटेन्ट सरिता गुप्ताले वताइन ।
स्वयं सेवक विद्यार्थी साथीहरुले फर्म भर्नुको साथै आवश्यक पर्ने कागजात पनि मिलाएर पठाइदिएका कारण सजिलो भएको कार्यालय सहायक लालबाबु कुशवाहाले वताए ।
युएनडिपीको सहयोग र समाज विकास समन्वय समिति वीरगंजको सहजिकरणमा संचालित समाजिक सदभाव तथा लोकतान्त्रिक सहभागिता कार्यक्रम अन्तर्गत सहजिरण केन्द्र स्थापना भएको हो । सुचना तथा सेवा सहजिकरण केन्द्रमा ३० जना स्वयं सेवकहरु रहेको कार्यक्रमका कार्यकारी निर्देशक जयनारायण चौधरीले वताए ।
प्रत्येक दिन ४/५ जना स्वयं सेवकहरु सहजिकरण केन्द्रमा बसेर सेवाग्राहीहरुलाई सहयोग गर्ने गरेको चौधरीले जानकारी गराए । सहजिकरण केन्द्रका स्वयं सेवकहरु सबै उच्च शिक्षा अध्ययनरत छात्र छात्राहरु रहेका छन । कक्षा ११, १२ र स्नातक तह पढने छात्र छात्राहरुले अतिरिक्त क्रियाकलाप अन्तर्गत स्वयं सेवकको भुमिका निर्बाह गरेका हुन । सहजिकरण केन्द्रका स्वयं सेवकहरुलाई कार्यक्रम सहजिकरण गर्ने संस्थाले तालिम दिएको छ ।
