वीरगंज । सिकटा नदीमा डुबेर भारतिय एक युवकको मृत्यु भएको छ । मृत्यु हुनेमा भारत बिहार पश्चिमी चम्पारण बेलबनिया स्थाई घर भएका ३५ बर्षिय पिन्टु साह कलवार रहेको इलका प्रहरी कार्यालय पोखरियाका प्रहरी निरिक्ष चन्द्र सिंहले वताए ।
पर्साको कालिकामाई गाउँपालिका वडा नं. १ मुडलीको स्थित सुसुरालीको घरमा बस्दै आएका कलवारको माछा मार्ने क्रममा नदीमा डुबेर मृत्यु भएको प्रहरीले जनाएको छ ।
मुडली स्थित रहेको सिकटा नदीको गडवानी घाटे किनारमा बुधबार विहान ८ बजे मृतक कलवारको शव फेला परेको थियो । घटना स्थल पुगेको प्रहरीले शवको मुचुलका उठाई पोष्टमार्टमको लागि नारायणी अस्पतालमा पठाएको जनाएको छ ।
