वीरगंज । बढ्दो हत्या, हिंसा र बलात्कारका विरुद्ध बुधबार वीरगंजमा किशोरीहरुले जनचेतना तथा खबरदारी र्याली निकालेका छन । बारा, पर्साका संवाद र सञ्जालका किशोरीहरुको आयोजनामा वीरगंजको घण्टाघरबाट निकालिएको र्याली वीरगंज बजार क्षेत्रको परिक्रममा पक्षि पुनः घण्टाघरमा पुगी कोण सभामा परिणत भएको थियो ।
“समृद्धिका लागि लैंगिक हिंसा अन्त्य गरौं, बालबालिका, किशोरी तथा महिला मैत्री समाजको निर्माण गरौं” नारा लेखिएको व्यानरमा निस्केको र्यालीमा बारा, पर्साका सयौं किशोरीहरुको सहभागिता रहेको थियो ।
कोण सभा सम्पन्न पश्चात किशोरीहरु जिल्ला प्रशासन कार्यालय पर्सामा पुगी पर्साका प्रमुख जिल्ला अधिकारी नारायण प्रसाद भट्टाराई मार्फत गृह मन्त्रीलाई ज्ञापन पत्र समेत बुझाएको थियो । वीरगंजका मुस्कान माथी एसिड आक्रमण र रौतहटकी संजुु देवीको दाइजको कारण हत्या भएको लगायतको घटना हुन नदिन सुरक्षा निकायको प्रभावकारी परिचालनको माग राख्दै किशोरीहरुले ज्ञापन पत्र बुझाएका हुन ।
