वीरगंज । समाज परिर्वतन नेपाल वीरगंजले आज वीरगंज वाईपास रोडमा रहेको निर्माण समाग्री र पुराना गाडीहरु हटाउने अभियान थालेको छ ।
समाज परिर्वतन नेपालका अध्यक्ष अकलेश साह र जिल्ला ट्राफिक कार्यालय पर्साका प्रहरी सहायक निरिक्षक लालबाबु सहनीको नेतृत्वमा गएको टोलीले बाईपास रोडमा रहेका पुराना गाडीहरु हटाउनुको साथै ग्यारेजधनीहरुलाई सडकमा गाडी मर्मत गर्ने कार्य नगर्न अनरोध गरेको संस्थाका सचिव राहुल साहले वताए ।
सडक खाली गराउने समुहमा वडा अध्यक्ष भरत कुर्मी, नृसिंग मा.बि पिपराका शिक्षक बाबुनन्द पटेल, शम्भु साह, नेकपाका युवा नेता महमुद अंसारी, शेख सलाम, दाउद अंसारी, नसरुदिन अंसारी, संस्थाका सचिव राहुल साह, कोषाध्यक्ष रोशन सर्राफ लगायतको सहभागिता रहेको थियो ।
