वीरगंज । पर्सामा यस बर्ष भब्यताको साथमा संबिधान दिवस मनाउने निर्णय गरिएको छ । जिल्ला समन्वय समिती पर्साका उपप्रमुख ठाकुर न्यौपानेको अध्यक्षतामा जिल्ला प्रशासन कार्यालय पर्सामा बसेको बैठकले यस्तो निर्णय गरेको हो ।
आश्विन २ गते सममपुर्ण सरकारी तथा गैरसरकारी संस्थाहरुको कार्यालय सरसफाई गर्ने, पर्साका निजी, सामुदायि तथा सरकारी बिधालयहरुमा २ गते र ४ गते विविघ कार्यक्रम गर्ने, नेपाल रेडक्रस सोसाईटीले आश्विन ४ गते बृहत रक्तदान गर्ने र असोज ३ गते बिभिन्न ठाउँबाट बाजागाजा र बैनर तथा जुलुसका सहित रैली गर्ने निर्णय गरिएको प्रमुख जिल्ला अधिकारी नारायणप्रसाद भटराईले बताए ।
बैठकमा बिरगंज महानगरपालिकाका मेयर बिजय सरावगी, नेपाली कांग्रेस पर्साका सभापति अजय द्धवेदी, नेकपाका प्रभु हाजरा पासवान, समाजवादी पार्टीका रामनरेश यादव, नेपाल रेडक्रस सोसाईटी प्रदेश नम्बर २ का अध्यक्ष फुलमहम्मद मियाँ, गैरसरकारी संस्था महासंघ नेपाल पर्साका अध्यक्ष छठु साह, नेपाल पत्रकार महासंघ पर्साका सचिव युवराज खड्का लगायत बिभिन्न कार्यालयका प्रमुख तथा प्रतिनिधीहरुको सहभागीता रहेको थियो ।
