वीरगंज । यस वर्षको सुबोध स्मृति फोटो पत्रकारिता पुरस्कार फोटो पत्रकार सफल खतिवडालाई प्रदान गर्ने निर्णय भएको सुबोध स्मृति पुरस्कार प्रतिष्ठानले जनाएको छ ।
प्रतिष्ठानका अध्यक्ष जगदीशप्रसाद शर्माको अध्यक्षतामा आज बसेको बैठकले यस वर्षको सुबोध स्मृति फोटो पत्रकारिता पुरस्कार फोटोपत्रकार खतिवडालाई दिने निर्णय भएको प्रतिष्ठानका सचिव प्रताप श्रेष्ठले जानकारी गराएका छन्
।
प्रतीक दैनिक वार्षिकोत्सवमा नेपाल पत्रकार महासंघ पर्सा शाखाको सभाकक्षमा फोटोपत्रकार खतिवडालाई रु २५ हजार नगदसहित सम्मान गरिनेछ ।
