वीरगंज । किशोरीहरूको ब्यक्तिगत सरसफाइ तथा महिनवारी ब्यवस्थापन सम्बन्धि एक दिने अभिमुखिकरण कार्यक्रम आइतबार सम्पन्न भएको छ ।
युरोपियन युनियनको आर्थिक सहयोग र नेपाल ग्रामिण पुनर्निर्माण संस्थाको आयोजनामा वीरगन्ज महानगरपालिकाको वडा नं. ३१ भेडियाहीमा भएको कार्यक्रम सम्पन्न भएको हो । लालिगुराश किशोरी संवाद संजालकी अध्यक्ष आशिका गौरोको अध्यक्षतामा भएको कार्यक्रमको उद्घाटन वडा सचिव सोनम खड्काले गरेकी थिइन ।
श्री सर्धा आधारभुत विद्यालय भेडियाहीमा भएको कार्यक्रममा विद्यालयका प्रअ रामअयोध्या प्रसाद, संवाद सहयोग समितिका अध्यक्ष मुरमती देवी, सलमुन खातुन, सोनम गौरो लगायतले मन्तब्य राखेका थिए । कार्यक्रममा लालपर्सा स्वास्थ्य चौकीका प्रमुख अनिशकान्त कुशवाहा, भेडियाही स्वास्थ्य चौकीका प्रमुख अमहद रेजा अन्सारी र सोही स्वास्थ्य चोकीकी अनमी लक्ष्मी अचार्यले प्रशिक्षण दिएका थिए ।
कार्यक्रममा ५५ जना सहभागी किशोरीहरुलाई सेनेटरी पैड समेत वितरण गरिएको कार्यक्रमका सुपरभाइजर सुनेशवर साहले जानकारी गराए । कार्यक्रमा वोल्दै वडा सचिव खड्कीले महिनवारीको समयमा महिलाहरुले पलिस्टर कपडा प्रयोग गर्नु नहुने र प्याड नभएको अवस्थामा सुतिको कपडा प्रयोग गर्नु पर्ने वताएकी थिइन ।
