पर्सा । पर्साको कालिकामाई गाउपालिका वडानम्बर भेडिहारीको पराम्परागत झण्डा मेला जनप्रतिनिधीले नलगाउने निर्णयको बावजुद पनि आज धुमधाम संग लागेको छ । बिगत ६० बर्ष अगाडी देखी अष्टमीको सातौ दिन आज लाग्दै आएको मेलालाई भदौ ६ गते गाउपालिका अध्यक्ष नथुनी कुश्वाहा, उपाध्यक्ष राजेश चौरसिया र वडाअध्यक्ष सोनालाल चौरसिया लगायतका केही अगुवाहरु कहिल्यै पनि नलगाउने निर्णय गरेको थियो ।
निर्णय गर्दा सर्बत्र आमजनता तथा बिभिन्न पार्टीका अगुवाहरुले बिरोध जनाएका थिए । परमपरा देखी लाग्दै आएको मेलालाई रोक्नु हुने रामा्रे नहुने आका्रेस पोखेका आमजनताको सामुने कालिकामाईका जनप्रतिनिधीहरु झुकेका छन । भेडिहारीका जनताले मेलाको आयोजना गरी जनप्रतिनिधीहरुले लिएको गलत निर्णय जनता भिडले लातले कुचलेर फालेको स्थानियले जनाएका छन ।
आमजनतालाई सुरक्षा नदिने र परम्परालाई बिथोल्ने स्थानिय जनप्रतिनिधी मुर्दावाद भन्दै भदौ ७ गते भेडिहारीका युवाहरु गाउको परिक्रमा गर्दै जनप्रतिनिधिहरु घरमा गई बिरोध प्रदर्शन समेतगरेका थिए । मेला २ ठाउमा लागेको छ , भेडिहारीको उतरपटि र भेडिहारीको दक्षिणपटि, दक्षिणपटिको मेला समितीको अध्यक्षमा मोहन साह कानु छन भने उतरपटिको मेला समिती कोई नरहेको जनाइएको छ ।
एक ठाउमा मात्र मेलालाई गाउको बिच भाग बजार लाग्ने ठाउमा लगाउने केही समाजसेवीहरु प्रयास गरे पनि पार्टीगत स्वार्थका कारण मेला नै बन्द गर्ने निर्णय गरिएको थियो ।
