भेडिहारीमा परम्परा देखी लाग्दै आएको मेला अन्यौल

१० भदौ
पर्साको कालिकामाई गाउपालिका वडानम्बर २ भेडिहारीमा परम्परा देखी लाग्दै आएको मेला यस बर्ष ओझेलमा परेको छ । प्रत्येक बर्ष अष्टमी तिथीको सातौ दिन लाग्दै आएको मेला जनप्रतिनिधीको दोधारे चरित्रका कारण अन्यौल भएको हो । यहि भदौ ६ गतेका दिन गाउपालिका अध्यक्ष नथुनी कुश्वाहाको अध्यक्षतामा बसेको गाउ भेलाबाट मेला नलगाउने निर्णय गरेको थियो । बैठकमा गाउपालिका उपाध्यक्ष राजेश चौरसिया, वडाअध्यक्ष सोनालाल चौरसिया लगायत बिभिन्न पार्टीका अगुवा तथा भद्रभलादमीहरु मेला नगलाउन निर्णय गरेको थियो । अध्यक्ष, उपाध्यक्ष र वडाअध्यक्षले सुरक्षाको अवस्था देखाउदै मेला नलगाउने निर्णय गरे तापनि आआफना पार्टीका कार्यकर्ता र अगुवाहरुलाई भित्री रुपमा निर्णय नमान्न संकेत दिए पछि निर्णय भएको भोली पटक भदौ ७ गते नै युवाहरु निर्णय बदर गर्न गाउ परिक्रमा गरी प्रदर्शन गरेका थिए । प्रदर्शनको समर्थन कि असमर्थन केही टुगो आज सम्म नलाग्दा यहि बिहिबार १२ गते मेला लाग्ने की नलाग्ने अन्यौलता बढेको छ । निर्णयमा मेला नलगाउने र मेला लगाउन पहल पनि नगर्ने निर्णय भएता पनि गाउघरमा झण्डामेलाको भित्रि रुपमा त्यारी दुबै तर्फ भईरहेको स्थानियवासीहरु बताएका छन । बाहिर पटि मेला नलगाउने निर्णयको हला छ भने भित्रि रुपमा मेलाको त्यारी भईरहेको र राती राती खेलतामासा साबिकको ४ वटा वडाहरुमा भईरहेको जनाईएको छ । न निर्णय फिर्ता भईरहेको छ न त मेलाको त्यारी र खेलतामासा गर्ने माथी कार्यवाही नै भईरहेको छैन । जनप्रतिनिधी अध्यक्ष, उपाध्यक्ष र वडाअध्यक्षको दोधारे नितीले गाउमा अप्रिय दिन आउन सक्ने भएकोले त्यस माथी ध्यान जान जरुरी देखिएको भेडिहारीका बुद्धिजीवीहरु बताएका छन । सा्रेतका अनुसार एक ठाउमा मेला लगाउन सर्तका कारण गाउपालिका जनप्रतिनिीधीहरुले मेलालाई बन्द गर्न निर्णय गरेको बताएका छन । भने यता तिर गाउको उतरपटि र दक्षिणपटि २ वटा मेला लाग्ने भएका कारण सो निर्णयको खोजतलास नगरिएको सा्रेतोको दावी छ । पार्टीगत स्वार्थ पुरा हुने भएकोले मेला २ वटा लागे जनप्रतिनिधीहरु चुपचाप बस्ने भएका छन । यदि कोई गाउका भद्रभलादमी तथा अगुवाले एक ठाउमा मेला लगाउन फेरी पहल गरे मेला नलाग्ने सा्रेतको दावी छ । यस बिषयमा ईलाका प्रहरी कार्यालय पोखरीयाका प्रहरी निरिक्षक चन्द्र सिंह संग बुझदा मेला लाग्ने कि नलाग्ने बिषयमा अहिले सम्म कुनै पनि जनप्रतिनिधी र स्थानिय अगुवा जानकारी नदिएको बताएका छन । जनप्रतिनिीधीहरुले सुरक्षाको कारण मेला एक ठाउमा नलाग्ने बताए पनि सुरक्षा दिने निकाय तथा प्रमुख सित सल्लाह नै नगरेको पोल खुलेको छ । सोही दिन सोही गाउमा एक ठाउमा नै मेला लाग्यो सबै भन्दा उतम हुने स्थानियवासीहरुको मांग छ ।