वीरगंज । जिल्ला प्रहरी पर्साले जबरजस्ती रकम असुल गर्ने गिरोह पक्राउ गरेको छ । वीरगंज ड्राईपोर्ट परवानीपुर सडक खण्डमा भारतीय गाडीबाट जबरजस्ती रकम असुल गर्ने तिन जनालाई आइतबार प्रहरीले पक्राउ गरेका हो ।
भारतिय नम्बरको गाडी रोकी विभिन्न वहाना बनाई जबरजस्ती रकम असुल गर्ने क्रममा वीरगंज महानगरपालिका वडा नं १७ आलांैका बर्ष ३४ का विजय प्रसाद यादव, बर्ष ३८ का प्रदिप कुमार गुप्ता र बर्ष ४४ का मजमिल मिंयालाई पक्राउ गरिएको जिल्ला प्रहरी कार्यालय पर्साले जनाएको छ ।
पक्राउ पर्नेहरुबाट जबरजस्ती अशुल गरेको रकम १३ हजार ६ सय समेत बरामद भएको प्रहरीको भनाई छ । प्रकाउ परेका तिनै जना माथी सार्वजनिक शान्ति विरुद्धको कसुर (आवागमनमा वाधा) मुद्दा दर्ता गरी अनुसन्धान भइरहेको जिल्ला प्रहरी कार्यालय पर्सा प्रेस विज्ञप्ती मार्फत जानकारी गराएको छ ।
घटनाको अनुसन्धानको क्रममा सोमबार वी.मा.न पा १७ बस्ने बर्ष २१ का रुपेश कुमार यादवलाई पनि प्रहरी पक्राउ गरेको छ । उनको साथबाट नेपाली रु २६ हजार ७ सय र भारतीया रु १६ हजार ५ सय बरामद भएको प्रहरी कार्यालयको भनाई छ ।
