वीरगन्ज । वीरगन्जका एक युवकले आफ्नो श्रीमतीलाई छुराले घाँटी रेटी घाइते बनाएका छन । वीरगन्ज १० घडिहर्वा निवासी बर्ष २४ का रोशन कुमार गुप्ताले आफ्नो कान्छी श्रीमती वर्ष २२ की मनु चौधरीलाई घारिलो हतियार (छुरा) ले घाँटी रेटी घाइते बनाएको प्रहरीले जनाएको छ ।
प्रहरीका अनुसार गुप्ताले श्रीमती चौधरीलाई घरबाट बोलाई वीरगन्ज १९ स्थित भिस्वा डाँडा घुमाउन लगेका थिए, त्यही डाडाको पछाडी पटी झाडीमा लगि छुराले घाँटी रेटी घाइते बनाएको हो ।
घाइते चौधरीलाई सुरुमा उपचारको लागि नारायणी अस्पताल वीरगंजमा लगिएको थियो भने त्यस पछि नेशनल मेडिकल क्लेज वीरगंजमा लगी थप उपचार भइरहेको जिल्ला प्रहरी कार्यालय पर्साले जनाएको छ । छुरा प्रहार गर्ने गुप्ता भाग्न खोज्दा पनि नियनत्रणमा लिई अनुसन्धान भइरहेको प्रहरीको भनाई छ ।
