बीरगंज । प्रादेशिक शिक्षा पत्रकारिता प्रोत्साहन पुरस्कारबाट पर्साका बृजलाल पासवान पुरस्कृत भएका छन ।
नेपाल सरकार, शिक्षा, विज्ञान तथा प्रविधि मन्त्रालय, शिक्षा तथा मानव स्रोत विकास केन्द्र र नेपाल पत्रकार महासंघको सहकार्यमा संचालित ‘प्रादेशिक शिक्षा पत्रकारिता प्रोत्साहन पुरस्कार २०७५’ बाट पासवान पुरस्कृत भएका हुन ।
नेपाल पत्रकार महासंघ काठमाण्डौमा मंगलबार आयोजित एक कार्यक्रममा शिक्षा, विज्ञान तथा प्रबिधि मन्त्री गिरिराजमणि पोखरेलले पासवानलाई प्रमाण पत्र सहित पुरस्कार राशी रु १५ हजारले पुरस्कृत गरे ।
राष्ट्रिय समाचार समिति र सहारा दैनिकमा कार्यरत पत्रकार पासवानलाई नेपालको शैक्षिक विकासमा पत्रकारिताको माध्यमबाट पुर्याएको योगदानको कदर गर्दै पुरस्कृत गरिएको हो ।
नेपाल पत्रकार महासंघका अध्यक्ष गोबिन्द आचार्यको अध्यक्षतामा भएको कार्यक्रममा पर्साका पसवान सहित ७ वटै प्रदेशका २४ जनालाई पुरस्कृत भएका छन ।
