वीरगंज, १३ साउन ।
नेपाल कम्युनिस्ट पार्टी पर्सा कार्यालयको आज बसेको बैठक विभिन्न निर्णय गर्दै सम्पन्न भएको छ । जिल्ला अध्यक्ष प्रभु हाजाराको अध्यक्षता र केन्द्रिय सदस्य तथा पर्सा इन्चार्ज नागेन्द्र चौधरीको प्रमुख आतिथ्यमा बसेको बैठक सम्पन्न भएको हो ।
बैठकले बाढी प्रभावित क्षेत्रको पहिचान र राहतको लागि सम्पूर्ण पार्टी पङ्गती लाई परिचालन गर्ने, क्षतिपूर्ति रेकर्ड संकलन र भोलि मंगलबार जिल्ला प्रशासन कार्यालयमा ध्यानाकर्षण पत्र बुझाउने निर्णय गरेको प्रदेश सदस्य तथा पर्सा कार्यालय सदस्य रामबाबु बैठाले जानकारी दिए ।
पार्टी कार्यालयमा बसेको बैठकमा केन्द्रिय सदस्य दिनेश राई, पर्साका प्रदेश कमिटी सदस्य, गाउँपालिका र नगरपालिका प्रमुखहरु लगायतकाको उपस्थिति रहेको थियो ।
