वीरगंज, ११ साउन ।
नेपालमा समाजवाद अलमलमा परेको नेपाली कांग्रेसका नेता प्रदिप गिरीले वताएका छन । वीरगंज नगर सभा गृहमा आयोजित नेपालमा समाजवाद बिषयक बिमर्श कार्यक्रममा वोल्दै गिरीले ओली, प्रचण्ड, बाबुराम र शेरबहादुरको अलग अलग समाजवादका कारण अलमल श्रृजना भएको वताए ।
३७ औं वि.पि. स्मृति दिवस र ४१ औं पुष्पलाल स्मृति दिवसको अवसरमा आयोजित कार्यक्रममा वोल्दै उनले भने ‘आफु प्रधानमन्त्री भए क्रान्ति पुरा भयो, प्रति व्यक्ति माथी ऋण बढी रहेको छ, समाज त्यहांको त्यही छ’ । त्यही भएर अब पार्टी बलियो बनाउन कुरा सिधेको छ ।
चुनाव जितेर गए पनि पार्टीको आगे नचलेको उनको भनाई थियो । उनले भने ‘अहिलेको आवश्यकता नागरिक समाज बलियो बनाउनु रहेको छ’ । लाखौं, करोडौं खर्च गरेर सांसद बन्ने र भोली अशुली गर्ने संसदिय व्यवस्था विफल बनाउनमा नागरिक समाज पनि जिम्मेवार रहेको छ ।
प्रतिनिधि सभा सदस्य समेत रहेका नेता गिरीले देश बनाउने बेलामा हजारौं जनता सडकमा निस्कने र चुनाव जित्ने जो बढी खर्च गर्यो त्यहीले नयाँ मोड सृजना भएको गिरीले वताए । अहिले नयाँ क्रान्तिको आवश्यकता रहेको उनको भनाई थियो । अहिले सांसदहरु त् परिवर्तन भए तर अवस्था भएन उनको भनाई थियो ।
उनले भने अहिले पनि जनतालाई प्रहरी, प्रशासन संग डर्नु परेको छ, नेताहरु जनता मैत्री भएका छैनन्, विदेश जाने रफतार त्यस्तै छ, त्यही भएर यो समाजवाद हुनै सक्दैन । प्रधानमन्त्रीको सदा जिवन भए, जनता कार्यकर्ताको पहुंच भए मात्र समाजवाद हुने थियो उनको भनाई थियो ।
कार्यक्रमका सहभागिहरुलाई लक्ष्ति गर्दै उनले भने ‘राजनितिक तपाईको ठाउँबाट गर्ने हस्तक्षेप हो तर अहिले राजनितिकको नाममा भागबन्डा भएको छ’ । ५ बर्षमा भोट दिएर र १० बर्षमा आन्दोलन गरेर समाजवाद नहुने उनको भनाई थियो ।
दुःख, सुख समान हुनु नै समाजवाद : नेता भुषाल
पाठशाला वीरगंज अध्ययन केन्द्रले आयोजना गरेको कार्यक्रममा वोल्दै अर्का वक्ता नेकपाका नेता घनश्याम भुषालले दुःख, सुख समान हुनु नै समाजवाद भएको वताए । अहिलेको समस्या दलाल पुंजिवाद भएको वताउदै उनले रेमिटान्समा देश चलेको वताए । उनले नेताहरु, प्रहरी अधिकृतहरु, न्याधिशहरु, प्रशासकहरु पुंजिवादको गठबन्धनहरु भित्र रहेको वताए । उनले भने ‘कमिशन मात्र खाने, न्याधिश खरिद गर्ने र घुस खोरी समाजवाद हुनै सक्दैन’ ।
अहिलकोे अर्थतन्त्र श्रमजिवीलाई श्रमजिवी बनाउने रहेको समेत उनको भनाई थियो । दलाल पुंजिवाद राष्ट्रिय पुजिवाद सम्म नआए विकास नहुने उनले धारणा राखे । जित्न सक्ने व्यक्ति पार्टीहरु खोजेर टिकट दिनु परेको वताउदै उनले त्यस प्रक्रियाबाट समाजवादको प्रतिनिधित्व नहुने वताए । हालको परिपाटीले कुनै पनि हालतमा समृद्धि नआउने संघिय सांसद समेत रहेका नेता भुषालको भनाई थियो । पार्टीहरुले पनि सार्वजनिक सुनवाई गर्नु पर्ने धारणा राखे ।
नेताहरुले शिक्षा र स्वास्थ्यमा लगानी गर्नु नहुने : नेता कार्की
अर्का वक्ता नेकपाका नेता राम कार्कीले कुनै पनि पार्टीका केन्द्रिय नेताहरुले शिक्षा र स्वास्थ्यमा लगानी गर्नु नहुने धारणा राखे । नेताहरुको लगानीका कारण नै सामुदायिक शिक्षालयको स्तर घटेकोले लगानी गर्नेहरुलाई केन्द्रिय पदबाट हटाउनु पर्ने वताए । आफ्नो मुलुकमा काम गर्न नचाहनेहरुले अरुको देशमा गएर झाडु लगाउने, चर्पी साफ गर्ने गरेको वताए ।
विद्यार्थीहरुलाई सानै देखी काममा लगाउनु पर्ने धारणा उनले राखे । अहिलेका पार्टीहरु एकिकृत नभई एकल भएको वताउदै उनले त्यो समाजवाद हुनै नसक्ने वताए । कुनै पनि निति त्यस क्षेत्रका व्यक्तिहरु संग छलफल गरेर वनाए मात्र समाजवाद हुने र त्यसले मात्र समृद्ध आउन सक्ने उनको भनाई थियो ।
कृषकहरुलाई प्रमाण पत्र वितरण गर्नु पर्ने वताए । कम्तिमा ३ महिना अर्थात एक सय २० दिने कृषीमा काम गर्नेलाई प्रमाण पत्र वितरण गर्नु पर्ने धारणा राखे । कृषि बैंकले सहुलियत व्याजदरमा दिने ऋण नेताहरु मत्र पाएको वताउदै उनले त्यही भएर सर्टिफिकेट पाएकाको अधारमा ऋण दिनु पर्ने वताए ।
बैंकहरु सम्पती भएका धनीहरुलाई मात्र ऋण दिने गरेको र अधिकांश बैंक डुवाउने धनीहरु नै रहेको वताए । समाजवाद सिंहदरबारबाट पारसल गरेर आउन थोक नभएको उनको भनाई थियो । उनले भने ‘अहिले पार्टीहरुको बैठक नै बस्दैन, अध्यक्षहरुको निर्दैशन नै निर्णय हुन्छ , त्यो समावजाद हुनै सक्दैन’ ।
पाठशालाका अध्यक्ष बालगोपाल थापाको अध्यक्षतामा भएको कार्यक्रममा स्वागत भाषण उपाध्यक्ष बिरेन्द्र साहले गरेका थिए भने संचालन सचिव केशी लामिक्षानेले गरेका थिए ।
