बिरगंज । बाढीले बगाउँदा आइतबारदेखि हराइरहेका वीरगञ्जका दुर्गा साह तुराहा मृत फेला परेका छन् ।
वीरगञ्ज महानगरपालिका २५ खल्वाटोला सिर्सियाका ५० वर्षीय तुराहालाई आइतबार साँझ बाढीले बगाएको थियो ।
घर नजिकैको धारामा पानी लिन गएका तुराहा चिप्लिएर सिर्सिया खोलामा खसेका थिए । उनको घर सिर्सिया खोला किनारमै छ ।
बाढीले बगाएलगत्तैबाट खोजी सुरु गरिएको भए पनि सोमबार विहान वीरगञ्ज महानगरपालिका १ छपकैयाँ स्थित भकुवा नजिक सिर्सिया खोलामा तुराहाको शव फेला परेको ससस्त्र प्रहरी निरीक्षक जीवनबहादुर मल्लले जानकारी दिनुभयो ।
याे सहित पर्सामा बाढीले मृत्यु हुनेको संख्या ३ पुगेको छ ।
