वीरगंज,१५ असार ।
पर्सा जिल्ला समितिले हालै प्रकाशीत नामावली प्रति नेकपा जिल्लका प्रदेश सदस्यहरुबाट घोर आपत्ति जनाएका छन् ।प्रकाशित नामावली प्रति नेपाल कम्युनिस्ट पार्टी (नेकपा) जिल्लाका प्रदेश सदस्य विजय महतो,छोटेलाल प्रसाद यादव,पि.एल.श्रेष्ठ,रामदरश कुशवाहा,वालेश्वर दहैत थारु र जालीम मियाँ लगायतको सहभागीतामा विज्ञप्ती जारी गरीएको छ ।
पार्टीका कार्यकर्ताको सल्लाह विनानै गुटगत सैलीमा प्रदेश अध्यक्ष प्रदेश सचिवद्धारा प्रकाशित नामावली सच्याउन नेपाल कम्युनिस्ट पार्टी (नेकपा)का सदस्य जोडदार माग गरेका छन् ।तत्कालिन माओवादी केन्द्रबाट समाबेश नामावली प्राय व्यक्तिगत भएको र आफनै पुरानो साथीहरु पाखा लागाउदै पार्टी विधि विधान कुचल्दै गरेको प्रकाशन नामावली नसच्याएको खण्डमा कडा संघर्षमा जाने बाध्य हुने विज्ञप्ती मार्फत नेपाल कम्युनिस्ट पार्टी (नेकपा) सदस्यले जनाएको छ ।
