वीरगंज,१४ आसार
पर्साको बिन्दासिनी गाउपालिकाको सहयोगमा र ब्रिलिएन्ट युवा क्लब भेडिहारीको आयोजनामा बिन्दवासिनी गाउपालिकाको वडानम्बर १ देखी ५ सम्म बालविवाह न्युनिकरणका लागी कानुनी चेतना सम्बन्धी तालिम आज सम्म सम्मपन भएको छ । आज सोही गाउपालिकाको वडानम्बर १ गर्दौलमा वडा अध्यक्ष सागिरमा मियाको अध्यक्षतामा र गाउपालिकाकी उपाध्यक्ष किरण देवी गुप्ताको प्रमुख आतिथ्य सम्पन भएको हो ।
समापन समारोहमा बोल्दै उपाध्यक्ष गुप्ताले बालविवाहका कारणले महिलाहरुको हत्य हिंसामा बृद्धि भएको बताउनु भएको छ । बिन्दाविसनी गाउपालिकाकी उपाध्यक्ष किरण गुप्ताले अब जो कोई पनि वालविवाह गरे, गराए, दण्डजरिवाना र जेल जाने बताउनु भएको छ । समापन समारोहमा समाजिक विकास शाखा प्रमुख रामप्रबेश साह, सहायक रमेन्द्रनाथ तिवारी, वडासचिव बिरेन्द्र महतो लगायतकाले मन्तब्य राखेका थिए ।
यसै गरी आज वडानम्बर २ बहुअवर्वाभाटठामा वडाअध्यक्ष संजय चौहानको अध्यक्षतामा बालविवाह न्युनिकरणका लागी कानुनी चेतना सम्बन्धी तालिम सम्पन भएको छ ।
आषाढ ११ देखी शुरु भएको तालिम १ देखी ५ नम्बर वडा सम्म आज एक कार्यक्रमका बिच वडानम्बर १ गर्दौलमा समापन भएको हो । तालिममा प्रत्येक वडाका ३०–३० जनाको सहभागीता रहेको थियो । पाचै वटा वडामा अधिवक्ता रामनारायण कुर्मी, अधिवक्ता स्वेता सरित लगायत अन्य प्रशिक्षकहरुले प्रशिक्षण दिनु भएको थियो ।
