वीरगंज,७ आसार ।
जिल्ला वन कार्यालय पर्साको आयोजनामा ४ दिने तालीम शुरु भएको छ । शनिवार देखी जिल्ला वन कार्यालय बिरगंज पर्साको सभाहालमा साझेदारी वन ब्यवस्थापन समितीहरुलाई वन ब्यवस्थापन सम्बन्धी ४ दिने तालिम शुरु भएको हो ।
पर्साका ३ वटा साझेदारी वन ब्यवस्थापन सबैया, बिन्दवासिनी र गादीमाईका ३० जनालाई कृष्णबहादुर भुजेलले प्रशिक्षण दिरहनु भएको छ । ४ दिने तालिमले पर्साका वनमा रहेका कुहेका, बागों, र उमेर पुगेकोलाई ब्यवस्थापन कसरी गर्ने, त्यसको अवधारणा, अभ्यास, निति नियम, बैज्ञानिक वन ब्यवस्थापनको प्रकृया, कार्ययोजना र कटान योजना बारे जानकारी दिने प्रशिक्षक भुजेलले बताउनु भएको छ । यसैगरी साझेदारी सदस्य तथा सहभागीहरुलाई पर्साको सबैया साझेदारी र बाराको वन साझेदारीमा भ्रमण पनि गराईने गादीमाई साझेदारीका संयोजक कृष्णमोहन यादवले बताएका छन ।
तराईमा १३ करोड घनमिटर वनजंगल रहे पनि आमजनताले वनको उपभोबाट बंचित रहेको छ । प्रदेशको जिम्मेवारीमा वनजंगल राख्ने राष्ट्रिय निती रहेकोले प्रदेश सरकारले अहिले वन सम्बन्धी ऐन, नियमावली नल्याएका कारण उपभोग्य गर्नबाट सर्वसाधारण बंचित भएका छन । नेपालमा अहिले सम्म ३० वटा साझेदारी वन ब्यवस्थापन समिती सक्रिय रहेको प्रशिक्षक भुजेलले बताउनु भएको हो ।
