वीरगंज,२४ जेठ ।
पर्साको सखुवाप्रसौनी गाउपालिकाको वडानम्बर ५ महुअवनमा शुक्रबार एक कार्यक्रमका बिच गर्भवति महिलाहरुको सरसफाई स्याहार सम्बन्धी तालिम तथा हाईजेनिक किट बितरण गरिएको छ । बहुक्षेत्रिय पोषण कार्यक्रम अन्तर्गत आज भएको १ दिने तालिममा ७५ जना गर्भवति महिलाहरुको सहभागीता रहेको थियो ।
सहभागीहरुलाई गाउपालिका अध्यक्ष प्रदिप जयसवालले सरसफाई हाईजेनिक किट बितरण गर्नु भएको थियो भने सहभागीहरुलाई स्वास्थ्य संयोजक राजेश रौनियारले प्रशिक्षण दिनु भएको थियो । कार्यक्रममा गाउपालिकाकी उपाध्यक्ष फुलमती देवी चौधरीको बिशेष उपस्थिती रहेको थियो ।
