वीरगंज, २४ जेठ ।
पर्साको जिराभवानी गाउँपालिकाको कर्मचारी र जनप्रतिनिधि विच आज मत्रीपुर्ण फुटबल प्रतियोगिता सम्पन्न भएको छ । जिराभवानी गाउँपालिकाको आयोजनामा सुपौली फिल्डमा भएको फुटबल प्रतियोगितामा कर्मचारी ६-१ गोलले जनप्रतिनिधिलाई हराउदै विजयी भएको छ ।
कर्मचारिको तर्फबाट राम कुमार यादव ३ गोल, संजय पटेल २ गोल र राम कुमार महतोले एक गोल गरेका थिए भने जनप्रतिनिधिको तर्फबाट राधेश्याम राय थारु एक गोल हानेका थिए । जनप्रतिनिधि टिम गाउँपालिका अध्यक्ष रामपृत महतोको नेतृत्वमा र कर्मचारि टिम प्रमुख प्रशासकिय अधिकृत अमित गिरिको नेतृत्वमा फिल्डमा उत्रेको थियो ।
खेलले जिराभवानीको जनप्रतिनिधि र कर्मचारी बिचको सम्बन्ध अझै प्रगाढ हुने छ । बिजयी कर्मचारीलाई गाउँपालिका अध्यक्ष महतोले सिल्ड समेत हस्तान्तरण गरेका थिए ।
