वीरगन्ज, २१ जेष्ठ ।
बिरगंज महानगरपालिकाले अपांग बिधालय र रात्री बिधालय बन्द गरेकोमा बिरगंज महानगरपालिकाकी उपप्रमुख शान्ति कार्कीले आपती जनाउनु भएको छ । आज पर्सा बहिरा महासंघले बिरगंजको एभरेष्ट होटलमा आयोजना गरेको बहिराहरुका समाजिक र न्याय पहुचका लागी एक दिने अभिमुखिकरण कार्यक्रममा बोल्दै आपती जनाउनु भएको हो ।
कार्यक्रममा प्रमुख अतिथीको रुपमा संबोद्धन गर्दै बिरगंज महानगरले हरेक ब्यक्तिका लागी काम दिने योजना राखेको पनि बताउनु भएको छ । बहिरा महासंघका लागी छुटै किसिम्मले ब्यवस्थापनका लागी महानगरले ५ लाख रकम छुटयाएको र आउदो योजनामा पनि बजेट छुटयाउने प्रतिबद्धता गर्नु भएको छ ।
बहिरा महासंघ पर्साका अध्यक्ष सगुन श्रेष्ठको अध्यक्षतामा भएको कार्यक्रममा वक्ताहरुले बहिराहरु संचारबाट बंचित, चेतनाको कमी, दोभासेको ब्यवस्थाबाट बंचित, सवारीसाधनमा छुटको ब्यवस्थाबाट बंचित, स्वास्थ्य उपचार निशुल्क नभएको र सरकारी तथा गैरसकारी निकायमा बहिराहरुको पहुच नरहेको बताएका छन ।
पर्सा जिल्लामा अपांगहरुका लागी ५ वटा बिधालयहरुमा पढाईको ब्यवस्थापन भए पनि बजेटको अभावले गर्दा गुणस्तरिय शिक्षा पाउन नसकेको अवस्था बिरगंज महानगरपालिकाका शिक्षा समन्वय ईकाई प्रमुख अरबिन्दलाल कर्णले बताउनु भएको छ । २०६८ सालको जनगणनाको तथ्यांक अनुसार पर्सा जिल्लामा ४ सय ६ जना अपांग रहेको तथ्यांक भए पनि बहिरा कति जना छन भने अकिन नभएको जनाईएको छ ।
नेपालको ४४ वटा जिल्लामा मात्रै यो कार्यक्रम लागु भएको छ भने ८ वटा जिल्लामा लागु हुने तैयारी रहेको कार्यक्रम संयोजक शंकर सिंहले बताउनु भएको छ ।
कार्यक्रममा अधिवक्ता अयुव खा, बहिरा संघका सचिव अर्जुन कर्ण, दोभाषे मिना श्रेष्ठ, प्रध्यापक हरेराम ठाकुर, बिरगंज महानगरपालिकाकी महलिा तथा बालिबालिका शाखा प्रमुख सबिता साह लगायतकाले आआफना धारणा राखेका थिए ।
