वीरगंज, १९ जेठ ।
वीरगंज महानगरपालिकाको वडा नं. ३०, प्रसोतिपुरमा विद्यालय भर्नाको लागि जनचेतनामूलक सडक नाटक प्रदर्शन गरिएको छ । नेपाल ग्रामीण पुनर्निर्माण संस्था (आर.आर.एन.)को सहयोग र सृजना किशोरी संवाद संजालको आयोजनामा सडक नाटक प्रदर्शन गरिएको हो ।
विद्यालय बाहिर रहेको वालवालिकाहरुलाई विद्यालय भर्ना गराउन र बेटी पढाउ बेटी बचाउको लागि चेतना जगाउने उद्देश्यले सडक नाटक गरिएको किशोरी संवाद कार्यक्रमका सुपरभाईजर सुनेश्वर साहले वताए ।
आयोजक संजालकी अध्यक्ष पृति कुमारी यादवको अध्यक्षतामा भएको कार्यक्रममा वडा सदस्य जमिला खातुन, संवाद सहयोग समितिकी अध्यक्ष इन्दु देवी यादव, उमा राय माझी लगायतकाले मन्तव्य राखेका थिए ।
शिक्षाको महत्व, आवश्यकता, विद्यालय भर्ना लगायतका बिषयवस्तु समेटिएका नाटक किशोरी संवाद कार्यक्रम अन्तर्गत गठित किशोरी संवाद समुहका किशोरीहरुले आफै प्रदर्शन गरेका थिए ।
