वीरगञ्ज, २७ बैशाख ।
पर्साको विन्दवासिनी गाउँपालिका वडा नं. ४ मधवलकी शिवदुलारी देवी वरैनीले ४ कट्ठा जग्गा दान गर्नु भएको छ । स्व. पारस नाथ प्रसाद वरैकी श्रीमती वरैनीले विन्दवासनी गाउँपालिका ४ मधवल मै रहेको जग्गा मध्ये चौरसिया (बरई) सेवा समिति वीरगंज १६ पर्सालाई २ कट्ठा र हनुमान मन्दिर विकास समिति विन्दवासिनी ४ इटियाहीलाई २ कट्ठा दान गर्नु भएको हो ।
नेपाल पत्रकार महासंघ पर्सामा शुक्रबार एक कार्यक्रमका विच दान गरेको जग्गाको लालपुर्जा चौरसिया सेवा समिति र हनुमान मन्दिर विकास समितिलाई हस्तान्तरण गर्नु भयो । वरैनीले दान गरेको जग्गा चौरसिया सेवा समिति र हनुमान मन्दिर विकास समितिलाई नामसारी समेत गरि सक्नु भएको छ ।
सोही जग्गा नामसारी गरेको लालपुर्जा चौरसिया सेवा समितिका अध्यक्ष रामाकान्त प्रसाद चौरसियालाई र हनुमान मन्दिर विकास समितिका सचिव प्रेमचन्द्र चौरसियालाई हस्तान्तरण गर्नु भयो । वरैनीले दान गरेको जग्गाको मूल्य १२ लाख रहेको चौरसिया सेवा समितिका सचिव योगेश्वर प्रसाद चौरसियाले वताउनु भयो ।