अखिल क्रान्तिकारीका केन्द्रिय सचिव सुर्य नारायण साहले प्रदेश नं. २ मा क्रमिक रुपमा एसईई परिक्षाको प्रश्नपत्र वाहिरिने कार्य दुखद एवम निन्दिय भएको बताएका छन । शुक्रवार महोत्तरीको गौशालामा उज्यालोसँग कुराकानी गर्दै केन्द्रिय सचिव साहले छानविनबाट यस्ता निन्दीय कार्यमा दोषी ठहर भएकालाई सरकारले कानुन अनुसार समयमै कारवाही नगरे आफुहरु कालोमोसो दल्ने प्रतिक्रिया दिएका छन । संगठनका प्रदेश संयोजक समेत रहनुभएका साहले विद्यार्थीको भविष्यमाथि खेलवाड भईरहेको समयमा प्रदेश सरकारले अनुसन्धानको क्रममा सहयोगीको भुमिका निर्वाह गर्नुपर्ने धारणा राखेका छन ।
उनले भने–‘प्रदेश सरकारलाई पन्छिने कुनै चान्स यसपटक छैन । यसमा सवैले समयमै सहयोग गरे दोषी कानुनीको दायराबाट उम्किन नसक्ने भन्दै सचेत नागरिकको भुमिका निर्वाह गरिनुपर्छ ।’ एसर्ईई दिने परिक्षार्थी र विद्यार्थी नेताहरु संयम अपनाएर अनुसन्धानमा सहयोग गर्नका लागि नेता साहले सवैसँग आग्रह गरेका छन । त्यस्तै एकीकृत अखिल नेपाल शिक्षक संगठनका जिल्ला अध्यक्ष रामउमेश यादवले प्रदेश नं. २ लाई बदनाम गर्ने कार्य भईरहेकोेले सुक्ष्म रुपमा अनुसन्धान गर्नुपर्ने आग्रह गरेका छन ।
