वीरगञ्ज । पर्साको पटेर्वा सुगौली गाउँपालिकामा १० दिने साबुन निर्माण तालिम शुक्रबार देखी सुरु भएको छ । पटेर्वा सुगौली गाउँपालिकाको सहयोगमा र सुनौलो नेपालको आयोजनामा तालिम सुरु भएको हो । वडा नं. ४ का वडा अध्यक्ष राजेश्वर महतोको अध्यक्षतामा भएको कार्यक्रममा शुक्रबार तालिमको उदघाटन गाउँपालिकाकी उपाध्यक्ष ममता महतोले गरिन ।
कार्यक्रमकी प्रमुख अतिथी समेत रहेकी उपाध्यक्ष महतोले महिला बिशेष कार्यक्रम अन्तर्गत गाउँपालिकाले महिलाहरुको आर्थिक स्तर सुधारको तालिम संचालन गरेको वताइन । महिलाहरुलाई उधमशिल बनाउन पालिका स्तरमा नै क्रियाशिल रहेका दुईटा समुह १८ जनालाई तालिम दिन लागेको उनले वताइन ।
यस्तै पोखरिया नगरपालिकाको वडा नं. ६, श्रिसियामा पोष्ण एवं सरसफाई सम्बन्धी एक दिने तालिम सम्पन्न भएको छ । पोखरिया नगरपालिकाको आयोजनामा सुनौलो हजार दिनका महिलाहरुको लागि करेसाबारी, पोष्ण, कुखुरा पालन र सरसफाई सम्बन्धि प्रशिण दिइएको समाजिक विकास शाखाका ना.सु. विनोद पाण्डेले वताए ।
दुईटा समुहमा भएको तालिम ३०/३० जनाको सहभागिता रहेको थियो भने तालिममा नगरपालिकाका उप मेयर सलमा खातुन र प्रमुख प्रशासकिय अधिकृत धर्मराज थापा लगायतकाको बिशेष उपस्थिती रहेको थियो ।
