वीरगंज । वीरगंज भन्सार मुल गेट स्थित रहेको सशस्त्र प्रहरी बल गुल्मले ठूलो परिमाणमा कुखराको चल्लाहरु बरामद गरेको छ । वीरगंज महानगरपालिकाको वडा नं. १९, केहुनियबाट मोटर साइकलमा लोड गरी भारतबाट नेपाल तर्फ आउदै गरेको ५१ कार्टुमा रहेको ५ हजार गोटा बोईलर कुखुराको चल्ला सशस्त्र प्रहरीले बरामद गरेको हो ।
सशस्त्र प्रहरी सहायक निरिक्षक लक्ष्मण प्रसाद यादवको कमाण्डमा खटेको गाडी मोबाइल डिउटी टोलीले शुक्रबार विहान ७ बजेको समयमा सो परिमाणको कुखुरा चल्ला बरामद गरेको सशस्त्र प्रहरीले जनाएको छ । सशस्त्र प्रहरी गुल्मका अनुसार बि.आर.५ं एल. ५५३० र बि.आर.२२ जे.०९१९ नम्बरको भारतिय मोटरसाइकलमा लोड गरी ल्याउदै गरेको चल्लाहरु सोही स्थानमा छोडी मानिस भागेको अवस्थामा बरामद भएको हो ।
बरामद भएको चल्लाको मुल्य रु २ लाख ५० हजार र मोटरसाइकलको रु ३ लाख गरी जम्मा ५ लाख रहेको प्रहरीले जनाएको छ । बरामद भएको कुखुराको चल्ला खाल्डो खनी आजै नष्ट समेत गरिएको छ ।
